小暖男羲穎6歲啦！
希望你鍾意媽媽為你準備嘅小小溫馨生日會。
記得陀住你嘅時候，
媽媽承諾自己 並唔係將對哥哥嘅愛分出一半比你，
而係要多生一份百份百，全心全意嘅愛。
尤其妹妹出世後 ,
媽媽更加會記得定期要同細佬仔二人世界，
我哋會最鍾意一齊去supermarket、一齊買花、
一齊坐電車、一齊去圖書館坐一個下午。。。。
呢半年我哋一齊經歷考小學嘅不同體驗，
拍片、Zoom面見、實體面試等，
過完一關又一關，
由起初會比較慢熱內歛，
到後期自信地對答如流，
見住你一次比一次嘅進步，
媽媽由衷感覺到「羲穎真係大個仔啦！」
今年生日，
你答我就算可以外食慶祝，
你都會最想留喺屋企 ,
因為
「我生日都係最想食媽咪整嘅白菜鍋！」
「另外我想用我最鍾意食嘅瑞士卷做蛋糕，加埋甜筒一齊吹蠟燭就得啦！」
感受到你擁有一顆知足、溫暖嘅心，
內心既感恩又感動。
願你繼續健康快樂成長，
媽媽會一直一直陪住你、愛你～
💋💜Happy Birthday 羲穎💜💋
Search